السلام عليكم ورحمة الله تقبل الله منا ومنكم صالح الأعمال وكل عام وأنتم بخير
دار حديث بيني وبين أحد الأصدقاء في مدينة الخرج القريبة من الرياض
وهو كثير الحضور للرياض صباحا لاموره التجارية فاخبرته أني قد اشتقت لرؤيته ولأحاديثه واخباره فطلبت منه عند الحضور للرياض الاتصال بي لاقابله ونخرج سوياً نفطر ونكمل ما جاء من أجله
فقال لي ام محمد ما قد خلتني اطلع من البيت إلا مفطر
قلت له ليه تصحيها وتكلف عليها
قال هي خلاص من نفسها تعودت إذا صحيت تقوم من النوم تحط فطوري وترجع تنام
قلت له معقول عاد يوميا كذا
قال أي والله ثم ضحك وقال .... ((الخيل من خيالها ))
فهل صحيح الخيل من خيالها مثل ما ذكر ابو محمد وخلاص تعودت
أو فيها مشقة على زوجته
وهل في زوجات بهالمنتدى من نفس نوعية أم محمد
اللي تستحق الثناء والتقدير حتى وإن كان ابو محمد عودها على هالأمر
كرجال نسعد بوجود مثل هالزوجة اللي بالتأكيد هي ابرك من اربع حريم على
لكن سعادتنا تكون بدون تكلفة ومشقة عليها
يعني تكون بخاطرها
الرجل يقدر هالشي ولو كان قليل الحديث والثناء
بصراحة هالحوار كان معه من اكثر من سنة بس والله باقي في بالي
واليوم كنت فاضي بالمنتدى قلت اطرحه واشوف ارائكم وخصوصا المتزوجات
وكل عام وانتم بخير
http://arb3.maktoob.com
ليست هناك تعليقات:
إرسال تعليق