قصة ولادتي في الاطباء المتحدون

دخلت التاسع وكل يوم اقول بولد وامشي وامشي


ولاحياة لمن تنادي وكنت كل مااروح للدكتوره كانت دكتورتي ايمان في




الاطباء المتحدون




كنت اراجع عندها بس كنت ادعي ربنا انه مو هيا الي تولدني ماااعجبتني مره وحسيتها جلفه كنت اسالها اقولها انت بتولديني تقولي قولي ان شاء الله

ونا في نفسي اقول ياااارب لا

المهم رحت لها اخر زياره قالت لي اسبوع وتخلصي التاسع كان يوم ربوع

الي كان يتعبني اني مره ماكنت احس باعراض الولاده

بالعكس كنت كويسه ومزاجي رايق واحس اني خفيفه موزي مايقولو البنات

تعب وثقل انا مره عادي وقد ماامشي كان عادي مو زي السابع والثامن كنت مره اتعب المهم يوم الجمعه الصباح تجيني اوجاع وتروح لغاية المغرب بدات تنتظم عرفت انها الولاده كانت كل خمسه دقايق تجي طلقه ناااار اقوم امشي تخف وشويه تروح اتصلت على زوجي بروح المستشفى ماما قالت لس بدريوقعدت لغاية الساعه 12 ماعاد قدرت تحملت الالم ورحت المستشفى وصلت 12 ونص تقريباا او واحده دخلوني طوارئئ قالو اثنين ونص سم مفتوح الرحم تحطمت

هدا العذاب كله ولس اثنين شويه وجات دكتورتي وكشفت قالت لس وشايله عبايتها وراحت وانا انبسطططت مره انه مو هيا الي تولدني

والي كانت تكشف عليا هبه يونس المهم سالتالممرضه كيف الطلق قالت بارد

قلت لها متى ممكن اولد قالت بكره الساعه 10 11 قلت اوف ونا اقعد اتعذب من دحين لبكره خلاص بروح البيت قالت لا مافي ممكن يشتد الطلق وتولدي عصبت عليها مرره توترت قالت طيب نطلعك فوق

وبعدين روحي تكدب عليا المهم طلعنا فوق غرفة الولاده وحطولي الاجهزه واسمعهم يقولو بطيئ لبست عبايتي قلت لها خلاص انا بروح ولما يشتد الطلق اجي راحت نادت الدكتوره هبه يونس وعصبت عليا وعصبت عليها هده الدكتوره مره ماااعجبتني احسها شريره مررره المهم اختي قالت لي

ياهبله لا تتشاكلي معاهاوقت الولاده تعذبك انا كدا خفت

سالت الممرضه مين حايولدني هده قالت لا هبة الله قلت الحمدلله ورجعت

على السرير وعلى الاجهزه المهم شويه قاالت اربعه فتحت لي كيس المويه

الاوشويه تكلم الممرضه الدكتوره وتجي من ورا الستاره تحط ابره انا هنا تنرفزت قلت لاختي اساليها ايش دا قالت ابرة طلق انا عصصصصبت قلت لها ليه ان شاء الله قالت مدام بيبي وسخ في بطنك عصبت قلت لها انتو كدابين دايما الاطباء هده حركاتكم قامت جابت لي الفوطه فعلا وسخت سكت

وبدا يحمى الطلق ويقوى وكل شويه تزود جرعه تقول مسكن وهيا كدابه عارفه انا يزيد لغاية الساعه اربعه وانص اسمعها تقول 8 ونص فتح الرحم وياسلاااام فرحت لانهم قالولي حاتولدي على 10 وشويه جات الدكتوره

وجا وقت دف الراس كنت دايخه مررره ومافيا لاني شفطت من الكمامهلغاية ماقلت امين حتى هيا طفشت مني وقالت لي لو ماساعدتيني حسوي لك عمليه المهم جو الممرضات خمسه منهم اثنين على بطني من فوق واثنين على بطني من تحت وواحده من رجلي وضغطوا ودفيت وولدت الحمدلله وبعد ماولدت ماصدقت قاعده احس بطني مررره انشفطت اقولهم خلاص خلصت مو مصدقه وجابولي بنتي ونا دايخه شفتها مو حلوه

زعلت قلت تعبتني وكمان وحشه خلاص شيلوها وهيا مسكينه كانت لس بدمها وماغسلوها




والحمدلله عدت على خير




الدكتورةهبة الله صبورة وحنونه مريحه





الخياطه حسيت فيها كلها مع انه اختي كانت حاطه الكمام بس حسيت بكل شي




واي سؤال انا حاضره وعقبال الجميع

المصدر http://ift.tt/1hfAtaY