ممكن حل جذري

بسم الله الرحمن الرحيم

السلام عليكم ورحمه الله وبركاته



عندما تصبر وتحتسب كل دقيقه تعصف فيك في حياتك وتحتسب الاجرفي كل دقيقه صمت







ليس خوف أو تبلد



من اجل حياتك الزوجية فالسكوت حطم أعمدة حياتي



اراها تتحطم الواحد تلو الاخر واصبر وامسك بأخر عامود فيها وأظن بانه أنكسسروطاح كل شي فوق راسي



الحمد لله على كل حال كل شي بأجره







أرجو من الجميع سماعي حرف بحرف



لانني أريد جواب وحل شافي لان جميع الحلول تحطمت أمامي





بدايه حياتي بالوظيفه وبعد سنه من الوظيفه تم الزواج بعد اكثر من خطبه تم رفضها بعذر البنت تكمل دراستها





انا لااريد الزواج لان عمري 25 والرجل الشرقي لابد يفوق 30 سنه بس اصرار والدي ووالدتي الله يحفظهم ويحفظ لكم والديكم



لاني الكبير والكبير والله مظلوم بحياته ( احد يوافقني صح بها المقوله )



تم الخطبه من احدى العائلات المحترمه ووافقت عليهم بعداخذ مشورتي ( طبعا زوجتي )





وتمت الخطبة والنظره الشرعيه والملكه والزواج في غضون 6 شهور



ادري سريعه بس ( الكبير) لابد بسرعه





ويعلم الله كلفني زواجي حدود 300,000 لاتقولون ابالغ او اكذب من البدايه من الخطبه والمهر لنهايه الرجوع من شهرالعسل



ادري مبلغ كبير بس انا ( الكبير ) والحمدلله دفعتها من جيبي ولا ريال جاني من أحد





وشهرعسل بماليزيا وهدايا تفوق 10,000 ريال وسفريه مكلفه 50,000ريال





وكنت مستانس وسعيد جدا



رجعنا لاارض الوطن ادور الريال



هههههههههههههههههههههههههههههأي







واحلا بيت طبعا واحلى أثاث فاق 70,000 ريال



عمر طويله العمر 20 سنه



وتدرس بجامعه وطلبت منها النقل لنفس المدينه اللي فيها عملي ومنزلنا ورفضت ذلك لانها تعودت على الجامعه اللي فيها قلت طيب نو بربلم



واحلا دلع وحنان وكل شي ماينقصها شي ( دلعتها عن اللزوم واستاهل )

الكلمه ترد 50 كلمه لسان طويل ماتهتم لاي شي اهم شي نوم ومسلسلات المطبخ لادخلت تطبخ

اقول غريبه دخلت اليوم كل شي تسويه لابد بعد صراخ عشان تسويه



الاسواق كل اسبوع يومين منه وبالشهر حدود 20000 ريال بالسوق



قلت عادي تونا متزوجين مرت سنة ومرت سنتين وهاذي الثالثه نفس الموال

اقولها الميزانيه ماتكفي تقول طيب خلاص اخر مره

وتكون زي كل مره وانا صابر اكثر الاكل من برا البيت وتعتذر بغسيل الصحون واساعدها اكثر الاوقات



واقولها سوي كذا وحطي كذا

الجدار لو يتحرك سواها



فساتين على 1000ريال وانت طالع مناسبه واحدة ويرمي طيب يابنت الحلال جديد قالت لا خلاص شافوه

والسوق تتقضى معاها لمجلس الامن ( اللي فهمها يعلمني )

ونص الشهر خذ سلف من اقرب واحد وعلى هالموال



واللي بعدها اهلي ماذكر مره قالت بنروح نزورهم غير بدايه زواجنا



والاستراحه سحبت عليهم واصحابي والعمل احاول اغيب واخذ اجازه عشانها وجالس معاها فالبيت 24 ساعه لي 3 سنوات متزوج وانتم احسبو



سالفه الحمل تقول بدري تونا متزوجين اخلص الجامعه يعلم الله اموت في شي اسمه بيبي

قلت طيب انتظر وتعرفون ( الكبير ) ابوه وامه يبون يشوفون عياله ومن غير كلام الناس علي وموقفهم بعذر الجامعه وانا من داخلي متلهف لهم الحمدلله كل شي من عند الله



(ربي لاتذرني فردا وانت خير الوارثين ) صدق الله العظيم

ولسانها طويل وتنكر كل شي وتقول انت ماسويت شي وانت اصلا ملزوم بكل شي تسويه لي المهم تزاعلنا كم مره واروح لها واتسامح منها واقول لها انا غلطان ( ماله ذنب ) بس الحياه الزوجيه لابد يكون فيها محايه عشان تمسح ماتكتبه المشاكل

صح انا مقصر معاها بحاجات خفيفه بس لو انا مثلها كانت طلبت خلع



وسالفه الدخان مادخن في البيت عشانها ولا في السياره بعد



والله ثم والله احبها واموت فيها بكل مافيها وكل ماذكرته فيها وهي تحبني وصابر عليها اقول انها صغيرة ماتفهم





اخر مشكله لها اسبوع انا صامل على موقفي اني ماعتذر لها وهي صامله بعد

طلبت السوق وقلت اخر الشهر وقالت لا ابي اليوم طيب يابنت الحلال في وقت ثاني وجاء الشيطانوقلت كلامي اللي لي 3 سنوات ساكت عنه فجرت بركاني بوجهها وتركتها









وبدات الدراسه انا في مدينه وهي في مدينه بالشهراشوفها مره ومصروفها عن طريق الصرافه الشهر فيه 3 ايام اشوفها فيها



تحملت هالحاله لافطور ولاغداءولاعشاء



صبرت قلت هاذي الدنيا وانت الكبير لابد تتحمل



اعز اصحابي اقرب جدار لي



المهم لي 3سنوات من زواجي



راحت كلها جامعه



العطله الصيفيه تكون عندي فالبيت فقط



ابي حل جذري لمشكلتي لاتقول طلاق الله لايجيبه احبها واموت فيها







دمتك بخير ( الكبير ) والكبير الله سبحانه

http://arb3.maktoob.com