ساعدوني في اتخاذ قرار الطلاق انا جاني اكتئاب من زوجي

السلام عليكم ورحمته الله وبركاته



اخواني واخواتي ترددت كثيرا قبل ان اطرح مشكلتي



ولاكن مالي بعد الله غيركم في اتخاذ القرار



وقبل ماتطرحون النصيحه

.....اتمنى من كل انثى تتخيل نفسها مكاني وبناء على ذالك تعطي رأيها....



....واتمنى من كل ذكر يخبرني هل كل الرجال كذاا ولا زوجي حاله خاصه....





مشكلتي بدأت من اول يوم زواج ..ليله الدخله ..المفروض يكون فيها اكشن وتبداء المواقف الحلوه بين الزوجين وتبدئ الحنيه واللمسات والضمات والكلمات



انا كنت خجوله جدا وزوجي كان بااااارد



المهم اليوم الثاني سافرت الى ديره زوجي وهي قريه صغيره

من اول ليله لي في بيتي

كل يومه يقضيه في الاستراحه وانا ياتيني وقت النوم لقضاء حاجته...مثل الدواب..بدون مقدمات

عانيت كثيراا لجفاف المهبل لان مافي اي شي يثيرني قبل الجماع كنت امووت كل يوم من الالم



وعنده ضعف انتصاب وسرعه قذف

او اشبعني عاطفيا ماهمني ضعفه





عمري ماسمعت منه اي كلمه حلوه ولا لمسه ولا ضمه



شهر عسل كل سجن

ماطلعني من البيت

كل مااقوله نبغى نطلع نتمشى يضحك علي ويستهزئ يقول مافي حرمه تطلع الحرمه مالها الا

بيتها



لو ناقشته ع طول يعصب ويسب ويقلبها مشكله

لانه من مايحب احد يناقشه في غلطه

..وعدم النقاش سبب لي تراكم في قلبي من مواقفه ..

ماعطاني فرصه نتناقش ونحل الامور اول بااول



لو عصب يسب اهلي ويسبني بكلمات تقهرني

خلاص قلبي انجرح منه



دايم اسرارنا وكل شي يقول لااهله صرت استحي اطلع بينهم صرت انطوائيه لان كل شي عنا يعرفونه

ماعنده شخصيه لو خرب شي بالبيت يقول اكلم اخوي يصلحه



دايم يحطمني ويهز ثقتي بنفسي انا انسانه طموحه لاتكلمت عن المستقبل والدراسه والوظيفه والمشاريع يستخف بعقلي ويضحك



لو تكلمت عن الثقافه الزوجيه والحب بين الزوجين وقلت له انا احتاج منك كذا وكذا يقول انتي طفله

..تصدقون مره رحت لااهلي وكنت ارسله بالجوال

كتبت له كل شي اتمناه منه بالخط العريض..قلت له بكل اللي بقلبي..قلت له انا انثى احتاج حبك وحنانك انت ولا مره ضميتني او تقربت مني او داعبتني

تخيلو انا صرت اشحت منه العاطفه

توقعت بعد ماارجع يكون تغير وحس فيني وفي احتياجي ولاكن لاحياه لمن تنادي انسانه جماااااد

دماغه مقفله بلييييد



مااتوقع في زوجه صارحت زوجه وطلبته حقوقها ..مثلي انا..بعدها حسيت انا شحاته وكرهت نفسي لانو ماتغير ولا أثر فيه كلامي واحتياجي



بعد ماكنت اعطي ولا اخذ منه

تغييبرت انا طنشته صرت مثله انسانه جامده

بدون مشاعر واحاسيس

عاملته مثل اسلوبه



وبعد معاماناه سنتين وكل يوم وانا اعاني لاني محتاجه عاطفه محتاجه زوج

كل يوم وانا اعاني لاني بالبيت مسجونه





اظل شهور مااطلع ولااشوف الشمس

وهو كل يوم يطلع ويفلها ولامره حس فيني



الان وبعد سنتين اكتشفت شي جديد وهو بياع مخدرات

حصلت كيس بالدولاب ملئ بحبوب الكباتجون

وقرأت محادثات لصديقه وهو يطلب منه كميه

لاحظت انه صار عصبي جدا اكثر من السابق



انا متاكده انه يبيع الحبوب

واشك 70%انه يستخدمها كمان

علما انه يحكيني عن ماضيه انه كان مدمن وماضيه كله اسود



تعبت انا مو مرتاحه لاعاطفيا ولا جنسيا ولا نفسيا



انا لاني بقريه ومماطلع من البيت نفسيتي تعبت. كثييير كل وقتي تفكير ماعندي شي غير التفكير

واقسم بالله لولا صلاتي ودعائي وايماني كان انجنيت ولا انتحرت من زمان









انا جاني اكتئاب من الوحده

صرت ابكي انطوائيه

جاني القولون

والام بجسمي واشياء غريبه

احس اني صرت مريضه نفسيا

انا تغيرت كليا

زوجي دمر نفسيتي



انا ماحبيييييييته كيف احب شخص وش اللي يخليني احبه

الحب يصنعه المواقف الحلوه بين الزوجين

انا مااتذكر اي موقف حلوو



انا الان خلاص عفته قلبي كرررررره

مستحيل اتقبله في حياتي





انا صارلي سنه وانا افكر في الطلاق

وقاعده اقارن بين سلبيات ويجابيات الطلاق

واخذ نصايح

ومعلومات

وافكر كل يوم

افكر كيف حياتي الحين وكيف بتكون بعد الطلاق





انا قلبي ماخذ قرار الطلاق100%





ولاكن عقلي ماخذ القرار50%

لان عندي ولد خايفه وش بيصير له

ولان اهلي مايعرفون اللي اعيشه من الم وماراح يتقبلون فكره الطلاق



ارجوكم نصيحتكم

من الموبايل

http://arb3.maktoob.com