التحرش (قصتي) وقصتكم سدحوه هنا..

الموضوع وما فيها ..

اي احد تعرض للتحرش يكتب قصتو هنا سواء بنت او ولد..

وكيف عالج المشكله ..وايش النتايج الي ترتب عليهاا.





ابدا بقصتي ..

انا تعرضت 3 مرات للتحرش والحمد لله كلها نجيت منها بس الاقوى هادا الي اقولكم عنو..

كنت في سنه ثالثه ابتدائي..

طبعاانا اداوم صباح ومساء ..

ارجع الظهر من المدرسه اتغدى وادقها نومه لين ياذن العصر واقووم للتحفيظ.

المهم داك اليوم قمت من النوم على اذان العصر كالعاده.. ويادوب اتوضيت وسحبت نفسي سحب لبست عبايتي واخدت شنطتي والصلاه طبعا اصليها في الدار هناك ..

انا خرجت بين الاذان والاقامه طبعا الحاره هدوووء ..

مافيه احد ..ونا ماشيه سمعت ولد يناديني بنت بنت..

كان المسافه تقريبا 5امتار يمكن ..وطبعا مافي الا انا وهوا بالشارع

كان من الحاره ولد في 3متوسط تقريبا او اولى ثنوي..

المهم التفت لقيت الواد لابس بنطلون ومنزل سرواله..

وقضيبه منتصب ..طبعا يوريني الاخ قضيبه..

انا طالعت انفجعت من المنظر ..طبعا اش سويت الاخت غضت البصر<<ومشيت ولاعبرتو..

بس فجأه جاني خوف فلت رجولي ودقيتها جري ..

ومدري كيف التفت لورا عشان اشوف بيلحقني ولالا؟

طبعا الحيوان مجرد ماشافني اجري قام يلحقني ..

طبعا طبيعي بدأ عندي اطلاق صفارة الانذار..

وباقوى ما عندي زعقت ..

أه ه هه ه هه ه ه ه ه ه ه

لمن شافني زعقت وقف خاف احد يشوفو ..

لانو الاخ من الحاره وكنت اشوفو مرات عند دكة البيت مع اولاد الجيراان..

شافتني وحده من الحريم وكانت رايحه علىى نفس الدار..

سمعت الصوت ووقفت شافتني قاعده اجري وابكي..

سالتني فقلتلها ولد يلحقني بس ماقلتلها ايش سوا..

ومسكت يدي وودتني معاها..

خبرت امي واخواتي بس ما خبرت الرجال خوفا طبعا ولاالمفروض اعلمهم وهذا غلطي واتوقع امي ماقالت لابويا حتى لايكبر الموضوع.. بس نبهوني ما اخرج لوحدي وانتبه..كنت اتوقع بيخاصموني او شي بس حسيت الموضوع عادي اهم شيء سلمت والحمدلله ما اتذكر اي ردة فعل لهم..

الولد من الحاره واعرفو وكنت اخاف دايما منو ..

بس ما اعرف اسمو او اهلو..

بعد كم سنه نقلو لديرتهم وافتكيت من وجهوو.

النتائج من القصه والي ترتب عليها..

1<<سرت ما اخرج من البيت بين الاذان والاقامه ابد وسرت اخرج مع اخواتي طبعا لمجرد يمكن شهرين..

وطبعا عادت حليمه لعادتها القديمه ..

بديت اتناسى الموقف وقلبي جمد وسرت اروح لوحدي بس طبعا بعد الصلاه..

كنت صغيره ..وما اعرف شيء بريئه.

2<<كنت احب شي اسمه كبيبه..الله ياخذوا شفت قضيبه واول مره اشوف بحياتي قضيب احد بالغ ومنتصب..وكان لونو غامق ..

ولما شفتو شبهتو بالكبيبه هههههههه

>>مواستهزاء بالنعمه<<

اتقرفت من الكبيبه لمده ماكنت اكلها وكلما شفتها اتذكرت شكلو واتقرف..

بس طبعا مع الشهور نسيت وبدات عادي اكلها



طبعا بعدما كبرت وعرفت غشاء البكاره واش يعني عذراء..وتنعاد لي المشهد واحمد الله انو نجاني من الاغتصاب ..لانو كان باين من نيتو وحركاتو يبي يغتصبني..

جاتني فوبيا سرت اخاف مررره من الهدوء بالحاره او مجرد ما توقف سياره عندي ابدا ادعس وادقاها جري..

واقرا الاذكار خاصه لمن اخرج من البيت..

المهم هذا احد مواقفي الي ابد ما انساها ...



نصيحه لكل وحده..

ابد ماتخرج وقت الصلاه لانو دايما الناس الصالحه تكون في الصلاه والخربانه تكون داشره في الشوارع
وتقراو الاذكارو ادعيه الخروج من المنزل..



قفط حبيت افضفض واتمنى استفدتو من القصه..



هيا سدحو الي عندكم...

arb3.maktoob.com/vb/index.php | هذا المحتوى