1شرب الماء بكثره
وقت السحور وقبل الفجر بنشرب كتير اوى معتقدين
ان ده هيمنع عننا العطش ولكنه بيذود عمل الكليتين
للتخلص منه وده يذود العطش بالنهار
عشان كده المفروض نقى نفسنا من العطش بتناول
الفاكهه الغنيه بالماء عالسحور زى البطيخ,الكانتلوب,الشمام
التفاح,لأنها تعمل على افراز الماء تدريجيا اثناء الصيام
فتقلل احساسنا بالعطش
2 شرب الماء البارد عند الفطار مباشرة
بيقلل حركة الدم الى المعدة والأمعاء وده ممكن يعمل مشاكل
فى الجهاز الهضمى زى المغص وتقلصات
عشان كده نشرب ماء فاتر أ و كوب حليب بالتمر وقت الفطار
وبعده ممكن تشربى الماء البارد لو حبيتى
3 أكل الحلويات بعد الفطار مباشره
اتعودنا بعد الفطار على طول طبق الحلو وده
بيخلى نسبة الدهون فى الجسم تتراكم ويذود
نسبة الكوليستيرول وبالتالى تذيد السمنه
فالمفروض نأجل الحلو لبعد صلاة التراويح
وكفايه مرتين فى الأسبوع
4 تناول الأطعمه المقليه بكثره
بنميل اكتر فى الشهر الكريم لأكل المقليات
ودى مشاكلها كتير,مثلا هتذود أوى احساسك بالحموضه
بعد الفطار غير انها بتعمل صعوبه فى الهضم
فممكن نغير مره مشويات ومره مقلى ونحاول
نقلل كمية الزيوت فى اكلنا ونبدأ بالسلطه
هنحس شويه ان المعده جزء منها اتملى بالفعل
5 عدم أكل الفاكهه
الفواكه غنيه بالفيتامينات والمعادن اللى الجسم
محتاجها وتساعد ان الجسم ما يذيدش وتمدنا
بكمية مياه تقلل احساسنا بالعطش ولكننا
بنتجاهلها فى شهر رمضان ونقبل اكتر على الحلويات
يعنى مثلا لو فى السحور أكلنا بطيخ الاول هتلاقى
معدتك جزء كبير منها اتملى ومش هتكلى كتير بعدها
وفى نفس الوقت مش هتذيدى لان زى ما احنا عارفين
السعرات الحراريه فى البطيخ قليله جدا
والكلام ده ينطبق على انواع فاكهه كتير غير كمان
انها تساعد على تجنب الامساك اللى كتير منا بيعانى منه
فى الشهر ده نظرا لاننا بنبعد عن أكل الخضراوات والفاكهه
6 الملح والتوابل هم أعداؤك
بنلاقى فى رمضان اقبال رهيب على شراء
المخللات وأنواع التوابل المختلفه
الأملاح والتوابل بيساعدوا على ذيادة
سرعة تخلص الجسم من الماء وسرعة
العطش
المصدر: منتدى عدلات
3dlat.net المحتوى من
ليست هناك تعليقات:
إرسال تعليق