الغاليه وش بيدي اسوي لها

سجلت من جديد وكلي امل بالله ثم فيكم انكم تساعدوني ولو بدعوه في هالشهر الفضيل

من كم سنه تغيرت الوالده بالحيل وكل سنه تمر تصير اسوأ من السنه اللي قبلها

تقريبا وشبه اجزم ان مشكلتها نفسيه

انا ماقصرت وحجزت لي ولها موعد عند دكتوره نفسيه انا طبعا حجزت معها عشان اشجعها لانها تحس ان دكتور النفسيه للمجانين بس

المهم مااستفدت شي الدكتوره قالتلها الحل عندك انتي تقدرين تساعدين نفسك والحبوب مجرد مهدئه وتجيب النوم استخدمت فتره الحبوب ومااستفادت شي خفت عليها وقلتلها اتركيها وديناها لكذا شيخ يقرأ عليها وبدون نتيجه وهي عادي تسمع القرآن وتتروش بسدر يعني ماتتأثر

بعطيكم امثله على تصرفاتها عشان توضح لكم الصوره

مثلا تبيع ذهبها وتشتري اشياء تافهه وبعد فتره ترميها واحيانا تشتري وتترك اغراضها بمكان ماتدري وينه وحتى ماتعرف تحاسب يعني اي احد يقدر يضحك عليها

غير كذا تقول وتتكلم بأشياء تسسب لها مشاكل هي في غنى عنها زي مانقول يعني ماتثمن كلامها

مرره من المرات قامت من النوم وصلت الفجر بدون لاتتوضى وقلتلها انكرت

ورمضان العام افطرت بدون عذر تخيلو الصبح تطبخ وتاكل

صايره ماتهتم بنفسها ولا بنظافتها الشخصيه ولا حتى بطريقة لبسها

هي تجيها حالتين مادري وش سالفتها

الحاله الاولى صمت رهييييب ولا تتكلم ابد ولا تطلع ولا شي

والحاله الثانيه بس تتكلم ماتسكت ثواني ولا حتى تنام وان نامت نص ساعه بس تخيلو نص ساعه من 24 ساعه وماتجلس بالبيت تطلع بأي وقت ولأي مكان وانا مقدر امنعها

لما تتضايق وتتعب وهي معها فايروس بالكبد تقولي سلطاانه لاتخليني

انا ماراح اخليها بس كل اللي بيدي سويته انا من بعد ماتعبت جاني ضغط وقولون وكل عله فيني

كثير سببت لي مصايب وماابالغ ان قلت مصايب بس ادري انها بدون قصد بعد ماتعبت صار كل البيت علي وصار ابوي واخواني ينفرون منها

طبعا ابوي تزوج وعاش حياته واخواني نفس الشي

واحد منهم يقولي خلاص ي سلطانه امي صارت زي البزر حزت بخاطري الكلمه كثير والثاني يقول شرايك نوديها مستشفى نفسي

انا ماجيت اطرح لكم مشكلتي لان لانها ضاقت بي الوسيعه

والادهى من كل هذا والأمر ان اي احد يعزمني يقولون لي لاتجيبينها معك

طيب هذي امي وين اوديها صرت اكره اروح

جبنا شغاله عشان تساعدني بالبيت صارت تضربها فقلت لابوي يبيعها مانبي نستأثم فيها

لاني صرت خلاص المسؤوله عن البيت والضيوف والكل صارت تقولي ضرتي ع بالها انا مستانسه بالمسؤوليه

ماصارت تعرف تطبخ صار طبخها تخبيص مستحيل احد يقدر ياكله

ماكانت كذا قبل كانت انسانه عظيمه بكل معنى الكلمه

حتى لما اتزوج ابوي عليها كل الرجال اللي يعرفونا قالو ماتستاهل ام فلان يتزوج عليها

لانهم يعرفون زين منهي امي

بس هي تغيرت كثير كثير صحيح فيه مشاكل ببيتنا بس الحين خلاص انتهت يعني مفروض ترجع لحالتها الطبيعيه

اكثر شي يضايقني لما نجتمع مع خالاتي وتجلس تسولف امي ومحد يعطيها وجه خلاص ماعاد احد يتحملها

انا مابي شي كل اللي ابيه ان امي ترجع امي الانسانه العظيمه اللي قبل ابيها ترجع طبيعيه والله اني ادعيلها وتصدقت عنها بنية الشفاء ومايئست للحين عندي امل انها ترجع زي قبل واحسن ابي اعيش حياة طبيعيه مابي اشيل همها

كل اللي ابيه منكم لو تعرفون حل لي او تعرفون احد مثل حالتهاوتعالج واللي مايعرف لايقصر بدعواته لها بهالشهر

http://ift.tt/H2nC1e | هذا المحتوى