ابو ليلة

سالفة أعجبتني من سوالف الأنستجرام وان شاالله تعجبكم ..



قال أحدهم :



تقول الحجية :

حنا يالحريم ماعندنا عقول نبي كل شي على هوانا حتى لو كلفنا ذاك الشي ..

قلت لها : كيف حجية ؟

قالت : اسمع ابي أسولف عليك سالفة سمعتها من أمي الله يرحمها وموتى المسلمين ..



تقول السالفة :



فيه واحد متزوج حرمتين والله مسهل أموره ومرضيهن ..

وحدة غنية وعندها خير كثير ومن أملاكها كم جريب نخل ( الجريب 100 نخلة ) ومن النوع الطيب وكل الناس تعرفه زين ..

أما الثانية ماعندها غير رحمة الله مثل حالي قبل .. كل اللي عندها بقرة عايشة معهم بنفس البيت تشرب من حليبها والباقي تبيعه على الناس ..، والأمور مستورة ..



وفي ذاك اليوم كان الر جل عند الزوجة الغنية ، وقال لها : أبي اذهب للبيت الثاني ..

وفجأة حضر ابليس ودخل براسها وقال لها اقضبيه لا يروح ، احرقيها ، خذي ليلتها ..

قالت له : لا تروح خلك عندي الليلة وبكرة رح لها ..

قال لها : شلون ، لازم أروح ، هذا حقها ..

حاولت مع الرجل لكنه مصر على رأيه ..

نطق ابليس وقال لها : اعطيه الآرض الليلة لعله يوافق ان يبقى معك ليلة ثانية ..

وعندما تذكر الرجل النخل الطيب ، قال لها : وافقت على طلبك ..

قالت له : بكرة الصبح ان شاء الله سأكتب النخل باسمك ..

المهم الرجل بات عندها وفي الصباح ذهب معها وحولت النخل باسمه ..

ذهب الى حرمته الفقيرة وإذا هي زعلانة ، قص عليها السالفة ، وقال لها : هذا رزق لك ولعيالك بعد عيني حبت تقهرك ولكن الله رزقك ببستان نخيل ..



صحيح بعض الحريم بدون عقل .. ويقولون من ذاك اليوم سموه نخل أبو ليلة ..

http://arb3.maktoob.com