تعالو شوفو تصرفات زوجي الغريبه..نفسيتي تعبانه

السلام عليكم ورحمة الله وبركاته*







للاسف ماكنت متوقعه ان بيكون هذا وضعي او حالي و افكر اعرض مشكلتي للناس , لكن تعبت بشكل غيرررر طبيعي .. وصبري نفذ وانتهى .. واملي في الله ثم فيكم تلاقون لي حل او حتى تريحوني بالكلام وترفعون من معنوياتي



انا متزوجه من شخص كنت قبل الزواج اشوف فيه اشياء حلوه مثل طيبة قلبه و هدوؤه و حنانه ( ايام الملكه ) اللي كانت سنه..وكنت اشوفه متفهمني وهذا اهم شئ وتفائلت فيه خير وحبيته ولله الحمد ( لكن..فعلا ماتعرفين الرجال و طبيعته الا بعد الزوااااج )*





بعد ماتزوجنا ..انصدمت وكانت صدمة عمري..خاصة بالمطار لما كنا بنسافر لشهر العسل.. تخيلو ضيع جواله وصدمني انه جلس يصارخ علي و يهوش قدام الناس علششان جواله ؟؟؟ وماصار علي متزوجته الا يومين !!!!

ولما مشيت وتركته واستحييييت قدام الناس قلت يمكن بيمشي معي لكن شفته تركني وراح وجلس ع الكرسي وصار يبكي مثل الطفل؟؟انا مااستوعبت نهائيا ..معقوله رجال يبكي علشان جواله ضاع ؟؟ استحيت قدام الناس الكل يطالع و يتفرج ..ولما كلمته اهون عليه صار يكلمني بنفسيه مره سيئه..ويبكي..ماانكر ابدا انه طاح من عيني وقلت رجولته في نظري..

وحسيت اني اشوف شخص جديد مو اللي كنت اكلمه زمان..



لما سافرنا لشهر العسل وبعد ايام كنت بالاوتيل بغيت اكلم اهلي بجواله لان جوالي مايتصل ع السعوديه ودخلت الواتس اب تبعه وانجنييييييييييت شفت محادثه بينه وبين بنت قذررره ومرسلة له صور لها وهي عريانه ومرسله صور اعضائها وهو منجننننن عليها....*انا انهرت جدااااا وجلست ابككككككي بقوه مو مستوعبه عيوني..معقوله انا تزوجت شخص وضيع زي هذا ؟؟؟؟

طبعا هو صار يبرر موقفه ويقول صاحبي اخذ جوالي وكلمها انا وقتها صدقته لاني توفعت انه انسان ينتصدق واقواله صحيحه..



في شهر العسل اكتشفت انه بارد جنسيا جدا ومايرغب بالجنس ابدا وكل همه يطلع و يتمشى بالبلد اللي رايح له ..فعلا حسيت اني واحد من الشباب مسافر معه..لدرجه انه ماخذ اوتيل بفراشين منفصلات**تعبت وبكيت وقلت له وشكيت الوضع لكن مافيه فايده



بعد مارجعنا من شهر العسل بايام قرر يسافر لجده علشان عمله ,,ويجلس 3 شهور ..كل اخوياه بالعمل اخذو زوجاتهم الا هو رفض..وطلع لي بالعيب الجديد اللي فيه بان ماعنده فلوس ومايقدر ياخذ لي شقه ويعيشني هناك..



تبهذلت 3 شهور عروس جديده مرميه عند اهلي..



بعد مارجع ..صرت اشوف فيه اشياء جدا كثيره تضايقني..مثلا المصاريف..ابدا مايدفع لي أي شئ ..بعذر ان ماعنده فلوس ( وانا انسانه الحمدلله ربي منعم علي وهو عارف شغلي وعارف كم اكسب ) فصار دائما يطلب مني هو الفلوس*



في كل مكان نروح له يلتفت لي ويقول لي مامعي فلوس عطيني**احس مافيه رجوله ..كيف كذا ؟؟



قلت بدعمه و اساعده وفعلا ساعدته و صرت ازيد من وقت عملي وجهدي واربح اكثرحتى احول له كل اسبوعين قرابة الفين ريال او اكثر احيانا من دون مقابل ومن دون أي فاااايده مااشوف أي شخص يقدر اتعابي وتضحياتي ..



البرود الجنسي طبعا له حكايه ثانيه..بارد جنسيا درجه اولى ومايحب الجنس ولا يحب طاري الجنس بشكل نهائي ..لانه بصعوبه ينتصب ..واحيانا ما ينتصب ابدا ..لا تعتقدون اني غير جميله..ولله الحمد انا شكلي وجسمي جدا جميل ومتاكده ان العيب فيه مو في شكلي..حاولت وكلمته كثيرر كثيرر يروح لدكاتره لاني حسيت باهانه لانوثتي انه مايجيني واذا جاني مافيه انتصاب لكن راااافض تماما ويقول مافيني شئ ..





المشكله اللي حصلت بيني وبينه امس وهي اللي خلاااااص قرفتني منه تماما .هو صفة الكذب والخداع..هو انسان كذاب درجه اولى*



يكذب وماعنده أي مشكله وفوقها يحلف مليون مره وبالاخير اكتشف انه كذاب*



صرت شكاكه فيه من كثر كذبه معي .كل كلمه يقولها لي مثلا رحت لمكان او جيت من عند فلان مااصدقه..لاني بالاخير اكتشف انه يكذب



امس كان عندي موعد بالمستشفى ..الساعه 6 مسائا..وكنت عند اهلي كالعاده راميني ايام يتعذر بدوامه اتصلت اصحيه وصحى الساعه 4 ونص..مابقى على موعدي الا نص ساعه ...وضروري اروح ع الموعد ..( والموعد يهمني جدا لان فيني مرض قوي اتعالج منه ) اتصلت عليه الساعه 5 وشوي وانا مره مستعجله*



عبالي هو بالطريق لان موعدي بيطيرر مني ..

رد علي بصوت خافت ومرتبك وكان عنده ناس ماكانه بالسياره

قلت له وينك فيه ؟؟ليه ماجيت .؟؟

قال انا بالطريق*

قلت مستحييييل انت مو بالطريق واضح انك عند احد ؟

جلس نصص ساعه يحلف ويقسم انه بالطريق وانه يبي يسكر مني من دون سبب انا وقتها شكككيت بوضعه وعصبت لان حاااااامت كبدي عاد خلااص الكذب لايوصل ويمس مواعيدي ويعطلني عن علاجاتي*



طبعا موعدي طار وهو مابعد جاء ..ماجاني الا الساعه 6 وكان ملزم انه يسكرها مني ( ماادري وش السبب )



بعد ماجاني والحييييت عليه يعلمني وين كان فيه ولعبت عليه وقلت له اني كلمت امك وهي علمتني وين كنت فيه بعدها جاوبني وبقال اني كنت عند امي ..

وموعدي طااار بسببه*

وليه الكذب ؟؟ ليه تحلف وتقول انك بالسياره ؟؟ انا خلاااااص الكذب هذا تعبت منه ..احس كل شئ معاه كذب..ماعاد اقدر اصدق كل شئ يجي منه*

بالاول كل يومين اكتشفت كذبه وابكي وابكي ويراضيني ويندم ويعتذر لكن تعبت من هالموال ...تعبت تعبت..والله الحياه مع انسان كذاب تتعب وتمووت



انا مشيت له اشياء كثيره مثل المصاريف و الجنس والبرود وماهمتني لكن تكذب علي وتحلف بعد ؟؟؟ وش هالعيشه ؟؟



طلبت منه بكل هدوء يرجعني لبيت اهلي (( لاني قر فت ))



على طول لف بالسياره وطاوعني وماكان فيه أي تردد..لكن كان يبي يبرر موقفه وانا كنت اسكته واقول احترمني الحين وياليت ماتسمعني صوت بس حطني عند اهلي ..بكل بساطه وقف عند بيت اهلي..نزلت ..ومشى بسرعه وراح والى يومكم لا جت منه رساله ولا اتصال*



شئ جدا يقرف ..واللي يقرف اكثر انه يقول انه يحبني ..وشكله كذبه من الكذب اللي يسمعني اياها بشكل دايم ..



عطوني ارائكم..حلولكم..وش اسوي..وش اتخذ قرار..؟ كيف اواجهه

تكفون حطو نفسكم بمكاني وقتها وش بتسوون ؟؟ كلامكم يهمني..حرف حرف ..لذلك لاتختصرون بالإجابات ...انتظركم واملي فيكم بعد الله كبيررر*

من الموبايل

http://ift.tt/H2nC1e | هذا المحتوى