السلام عليكم ورحمه الله وبركاته
انا متزوجه من 8 سنوات وعندى ولد وبنت 7-4 سنوات مشكلتى ان اهل زوجى دائما مقومينه عليه وعامليلى احلى تفريق بين وبين زوجى ومافى مره بيرحلهم الا وبيرجع متغير منى بالمختصر حماتى وبنتها تعبنى جدا لدرجه انى اخدت ادويه اكتأب كتير وحماتى متحكمه فى كل شئ حولها حمايا وجوز بنتها وزوجى وقويه جدا وناعمه قوى وتبان غلبانه جدا امام زوجى دا لدرجه انها كانت بتدخل علينا واحنا نايمين تقولى اومى نامى بره وانا هنام معاه وهو سامع ومايتكلم وماسكاه من انك المفروض تبرنى وتعمل كل اللى بقول عليه وهو دا الصح والا متبريه منك وغضبانه عليك ومستخدمه معاه اسلوب فلانه بتعمل واخته تقوله انا بعمل كذا لجوزى ولحماتى علشان رضا جوزى ودا دليل حبى له وحماتى هى اللى تقول نعمل ايه ومنعملش ايه وكل دا والله كدب وانا عارفه حماتها كويس وانا لو معملتش كده ابقى مش بحترم زوجى وهو يتأثر جدا بالكلام ده لازم تبر امك وهكذا على طول على طول واخر مره كان عندهم رجع ضربنى وذهبت الى اهلى شهر الى ان تدخل الناس ومنعومهم من زيارتهم ليه ومنعونى من زيارتى لهم وانا فى بلد وهما فى بلد تانيه بس مش سالمه منهم المهم ان زوجى دائما فاهمهم ملايكه وانا اللى وحشه وبيصدقهم فى كل حاجه وكل الناس شايفه الصوره صح الا زوجى وتبقى الامور واضحه جدا مش عارفه ليه لدرجه انى متأكده انهم عاملله سحروهو عمره ما اختلف مع اهلى الا بسبب امه واخته وبعدينه جدا عن اهلى لدرجه ان امى مريضه جدا وعمره ما بيفكر يسأل حتى عنها فكرت بجديه فى الانفصال بسببهم وبدأت اكره زوجى بعد مد يده عليه وانا لا ارى ذلك فى عائلتنا ابدا انا الان رجعت له بعد تدخل الناس بس انا خايفه منهم جدا ومنه هو كمان هو بيتأثر بكلامه بصوره غير طبيعيه وبقراء كلامهم على وجه وانا عارفه انو مش هيتغير هو اعتذر لى كتير وقعد فتره يحاول يرضينى انا خايفه من الانفصال جدا وخايفه على عيالى ودا بالاضافه الى الظروف الماديه وازاى هصرف على عيالى دا انا اما بكون عند اهلى زياره او حتى غضبانه مبيرضاش يصرف على عياله وخايفه من اسم مطلقه وابى رجل شديد جدا ودائما يقولى معندناش بنات تتطلق وفى نفس الوقت انا كرهته وبكره اهله بصوره فوق الوصف وانا عمرى اساسا ما كرهت حد ................. انا الان بحاول انسى اللى حصل دا كله طالما هما بعاد عنى وبحاول ابتدى معاه حياه جديدة بس مش عارفة اعمل ايه افيدونى
http://arb3.maktoob.com
ليست هناك تعليقات:
إرسال تعليق