ماتجيني الدورة الشهرية غير مرتين في السنة هل انا بس ولا فيه بنات مثلي ؟

السلام عليكم ورحمة الله وبركاته كيفكم ياغوالي

حبيت اطرح مشكلتي لعل وحده من الاخوات صار معها نفس مشكلتي لاني مره محتارة وقلقانه من هالموضوع

انا انسة باقي ماتزوجت عمري 27 سنه اعاني من تاخر الدورة الشهرية يعني تجيني كل ستة شهور مره واحيان كل 7 شهور .. راجعت اخصائي نساء وولادة وكشف باشاعه تلفزيون قلي عندك تكيس بسيط ماتخافي وكتب لي على حبوب بريمولوت ن وقلي استخدميها لمدة 5 ايام واستخدمتها ووقفتها وجتني الدورة الله يكرمكم بعد 4 ايام وقالي سوي تحاليل هرمونات خامس او سادس يوم الدورة وسويتها وراجعته قلي تحاليلك سليمه بس عندك ضعف في هرمون البرجسترون طلع عندي 0.1 ng /ml يعني صفر فاصلة واحد وكتب لي على كلوميد قلي استخدميه خامس يوم من الدورة لمدة 3 شهور وكتب لي على فيتامين ولسه ماشتريتهم قلت اذا جتني باخذهم وقال لو تاخرت الدورة الحين عن شهر خذي نفس الحبوب اللي اول استخدمتيها اللي هي برييمولوت وانتظري لليوم الخامس وابدأي خذي الكلوميد الحين انا منتظرة الدورة عشان ابدا فيها

بس اللي قالقني ومحيرني اخذها ولا لا ..لان بعض صديقاتي قالو لي انتي باقي بنت وماتزوجتي ممكن هرموناتك بعد الزواج تتعدل وبعضهم قالو احسن عالجي نفسك من بدري وخايفة ممكن تاثر علي مستقبلا

..

الحين مو عارفه اخذها ولا لا وش رايكم انتم او اي وحده صار معاها انها تعاني من نقص هالهرمون حتى لو انها باقي ماتزوجت ربي يسعدكم ويحقق لكم ماتتمنون نوروني

محتاجه نصيحتكم .