الخيانه هدت حيلي

السلام عليكم ورحمة الله وبركاته

انا تزوجت زوجي قبل 3 سنوات وعشنا حياه زوجيه والحمد الله كنت اشوفها كامله ومو ناقصها اي شي

وقبل سنتينن زوجي سافر لشرم الشيخ مع اصحابه وكنت واثقه مليون بالميه انه مستحيل يخوني

وفعلا بعد اسبوع من سفره وقبل تخلص سفرته تهاوش مع اصحابه ان سفرتهم اتجهت اتجاه ثاني

وانهم صاروا يسهرون مع بنات ومن ذي السوالف

وكثير مواقف مرت علينا تثبت لي ان زوجي كان وفي معاي

بس زوجي من تزوجنا وشغله و وضعه المادي ما كان مستقر وكان يضايقه كثير

وقبل 5 شهور ربي رزقنا بنوته مثل القمر





وبالوقت هذا زادت مشاكل شغل زوجي





وصار يبتعد عني وعن البيت وصارت حياتنا ممله صارت بينا فجوه كبيره

وكنت اعذره بسبب ضغوط شغله

وصرت استنى الازمه هذي تمر عشان نرجع لحياتنا الطبيعيه

وكنت اهتم بنفسي وبيتي كثير مع ملل من الوضع ال عيشينه بس كنت احيان انرفز من بروده وانتقده لستسلامه للواقع

الين سافرت انا وياه ورحنا لبيت العيله لمدة 20 يوم

بالوقت هذا ابتعد مني كثير واكتشفت انه يخوني وكل يومين مع بنت

واكتشفت انه لها علاقات بالمواقع الاباحيه

صارحته اني اكتشفت مكالماته الغراميه وقلت له اذا انا صرت بعينك ام العيال وربة البيت بس ويكون لك حبيبه غيري انا مابيك

بكى لي وقال لي هذا طمع وان عمره ماقال احبك من قلب الا لي

وان انا حبه الحقيقي وبكى وصدقته وسامحته

بس الشك صيطر عليا وصرت اراغبه

واكتشفت ان ماتغير فيه شي وانه باقي يخوني

قررت اغير من نفسي واهتم اكثر بنفسي وبثقافتي

وعلاقاتي وخليه يحس اني قادره اتاقلم ع حياه هو مو موجود فيها

والحين هو يبغاني اوقف معاه ونسافر ونتغرب عشان شغله

وانا مو قادره اروح معاه وهو خاين ومو قادره اصارحه اني كاشفته





وما بغى اظلم نفسي واظلمه وما اعطيه الفرصه الي يقدر منها يتغير





ياريت تساعدوني الله يعلم بالهم الي انا عايشه فيه

صرت احيان انزل عصبيتي وقهري ع بنتي مع اني معورني قلبي عليها

وصرت اهملها بسبب زعلي من ابوها

arb3.maktoob.com/vb/index.php | هذا المحتوى