أفكر في الموضوع في كللل وقت ، أرجوكم ساعدوني من تجاربكم

السلام عليكم جميعاً

أنا والله ما أدري إذا صح أحط مشكلتي هنا والا لا ، بس مالقيت أحد يفيدني بتجربته لأن ماعندي أخوات ...

أنا متزوجة ولدي طفل عمرة 4 سنوات وسبق أن أجهضت قبل سنة والحمدلله على كل حال،

حالياً أنوي محاولة الحمل بإذن الله ، الله يسهله ويكتب الخير لي وللجميع ،

مشكلتي إني في كل مرة أنوي الحمل ولا يحدث من المحاولات الأولى ، يجيني خوف و وسواس إنه فيه مشاكل وإني بظل كل عمري ما أحمل ،

أتوقع كثير بيستسخفوني ، بس الموضوع مو بيدي والله ...

أنا أحمد ربي وأشكره إني رزقني بولدي اللي مالي حياتي والله يخليه لي ..

بس يجيني خوف اني مابحمل مره ثانية وان ولدي بيصير وحيد. .

ما أدري ليش هذا التفكير ، أعوذ بالله من الشيطان ..

عشان أوضح لكم أكثر ، أكون متوتره كلللل الفتره وما أفكر الا بالحمل ، وانتظر اليوم اللي احلل فيه ، وكل ما يقرب اليوم اتوتر اكثر واكثر ، ونفسيتي تتعب مره ، وكل اللي حولي يلاحظون ، ولو ماصار حمل أمر بفتره متعبة جداً جداً ، وأصير كللل شي اربطه بالحمل ، وأأجل كل شي إلى ما أعرف أنا حامل والا لا !!!

كنت أتوقع هالحالة تجي مع الحمل الأول فقط ، لكن يظهر انها تزيد للأسف معي ..

باختصار ، الموضوع يأثر علي كثير كثير ، ومأثر على سعادتي حالياً ، وأحس مابكون سعيدة الا لما أحمل ...

اللهم لا تجعله ضعف إيمان ... ولا تجعل الدنيا أكبر همي ...

أتمنى أكون وصلت الفكرة صح ...

بالنهاية أرجوكم يا أمهات خصوصاً تقولون لي عن تجربكم وهل وضعي طبيعي أو بالغت ...

والسؤال للجميع ، كيف تقدرون تتخلصون من فكرة مسيطرة على تفكيركم ، أبغى أوقف تفكير ...

وشكراً لكم

من الموبايل

arb3.maktoob.com/vb/index.php | هذا المحتوى