السلام عليكم
السلام عليكم
انا كان متقدملى شخص الشخص دا كان زميلى ف الكليه وكان فيه اعجاب بينى وبينه و بعد التخرج فعلا اتقدم ليا لكن تانى يوم قرايه الفاتحه حصل اختلاف فى الاتفاقات مامتى اتصلت بيهم كانت عايزه تجيب حاجه بدل حاجه فهما تقريبا معجبهمش ومحصلش نصيب بس من طرفهم هما
وكنت بدعي ربنا كتير برجعهم وان ربنا يجعلى فيه نصيب
حلمت انى طالعه سلم خطيبى السابق و كان السلم مموج ومكنش حلو و لما وصلت لشقتهم شفت شبشب الشخص دا بره وشكله وحش ومتقطع من عند الكعب كده الفردتين وكانوا متبهدلين فانا نزلت خفت ان حد فيهم يفتح الباب ويشوفنى وبع ما وصلت للشارع زى ما يكون عندهم عشه حمام مربين فيه حمام و شفت حد داخل العشه دى عشان يأكل الحمام ويشربه وكنت سامعه صوت الحمام جواه فقولت استخبى لحسن يشوفنى لحسن يكون هو اللى داخل العشه دى
بعدها لقيتنى واقفه مع ماما وجايبين تورته هديه لعيد ميلاد الشخص دا
وانا كنت بقولها يا ماما انا مش حابه نروحلهم عشان منديش فرصه ليهم انهم يتنططوا علينا وكده عشان احنا اللى رايحنلهم وكده فقالتلى دا واجب علينا اننا نجبهاله و ف الحلم كنت عارفه اننا منفصلين وفعلا كنا رايحين ليهم فانا وقفت قدام المرايا وقعدت اسرح شعرى واحط ميكاب والف طرحتى واظبط نفسى عشان نروحلهم وبقنع ماما ان خايفه نديهم فرصه انهم يتنططوا ويتأمروا علينا
قالتلى خلاص اخوكى وادلهم التورته وعرفهم اننا جايين خلاص
وفعلا روحنالهم و قعدنا معاهم فالشخص دا اول لما شافنى فرح جدا وفضل يضحكلى وزى ما يكون قالى دعوه مش فاكراها اووى بس تقريبا ربنا يخلينا لبعض او ربنا يديم المحبه بنا هى حاجه زى كده لان دا المعنى اللى وصلى من الدعوه ففرحت من جوايا بس كنت زعلانه منه من اللى حصل وصحيت على كده
- الحالة الدينية لك ولمن معك فى الرؤية :
انا و ماما مواظبين ع الصلاه وتلاوه القران الحمد لله
احمد وباباه ومامته اللى اعرفه انهم بيصلوا و كان باباه ومامته حجوا قبل كده
- اسماء من فى الحلم وعلاقتك بيهم :
انا و ماما واخويا محمد و الشخص اسمه احمد و باباه اسمه محمد و مامته اسمها منال
- حالتك الاجتماعية :
انا انسه و احمد عازب حتى الان
- هل أنتى موظفه ؟
نعم
- هل أنتى حامل ، أو تنتظرين حمل ؟ لا
- هل تعانى من اى هموم او ارق قبل النوم ؟
نعم ف هموم و ف كرب شديد بعد موضوع الانفصال و بدعى كتير انهم يرجعوا
- هل ترقين رقية شرعية ام لا :
اوقات كتير بسمع للرقيه الشرعيه و بقرا سوره البقره و يس و المعوزتين
- حلم عادى ام استخارة ؟
عادى بس كنت اصلى كتير وادعى ربنا يورينى رؤيا حق برجوعهم او لا
المصدر: منتدى عدلات
ليست هناك تعليقات:
إرسال تعليق