مشكلتي خطيبي ..

السﻻم عليكم



انا مخطوبه من 4 سنين تقريبآ لولد خالتي والكل يدري اننا لبعض ونتواصل بالكتابه ﻻني كنت ارفض نتكلم ع الجوال طبعي استحي وارتبك كثيير لما اسمع صوت رجال غريب عني

المهم مرت سنة مثل العسل كنا ننتظر يتوظف مشان نملك

باختصار توظف بعد سنه وظيفه مو زينه وهكذا مرت شهوور الى ان حصل ولله الحمد ع الوظيفه الحكوميه وبشرني وفرحت له



المهم ومرت شهور وسنين كل مابنملك تحصل مشكلة ورا مشكله

منها مرض امه اللي هي خالتي اخت امي :'(

وأجلنا الملكه سنه وتوفت خالتي وكاااانت فجيييعه كنت مررا احبهاا ومتعلقه فيها مثل امي من وانا صغيره دوم عندهم



طبعا هو متحطططمم وخﻻص ماعاد له رغبه في الزواج بدون وجود امه وانا بعد بس خﻻص مرت الحين 8 شهور ع وفاتها ربي يرحمها ورضيت بالامر الواقع وصبرت الحمدلله بس هو ﻻااا :( ومايبي يملك الا بعد 4 سنين قدام ...



شوروا علي ابي اكلمه واصبره بس وش اقوله تعبت من حالتي وانا معلقه سنين والناسس اللي ماتسكت وكﻻمهم اللي يسم البدن



لكم جزيل الشكر

من الموبايل

http://ift.tt/H2nC1e | هذا المحتوى