محتار وهتجنن

انا هحكي حكايتي بصراحه جدا انا عندي 31 سنه ومتزوج من اربع سنين وعندي ولد 3 سنين ومتزوج زواج تقليدي جدا بشتغل في وظيفه بتبعدني عن بيتي كتير يعني بشتغل تلات اسابيع وارجع اجازه اسبوع من سنه ونص بالظبط اتعرفت علي انسانه محترمه جدا علي الفيس بوك وكنت في الوقت ده مسافر برا البلد وكنا بنتكلم مع بعض كتير جدا ولاني متزوج زواج تقليدي لقيت نفسي ببعد عن مراتي شويه شويه وبتكلم مع الانسانه دي ولما رجعت البلد تاني مراتي شافت رساله علي موبايلي منها وقلتلها دي صديقه بس انا كذبت علي الانسانه الي عرفتها دي وكنت قايلها ان انا ومراتي عايشين بنربي الولد بس لان مراتي الاول دي عمرها ما حسستني بخوف عليا ولا اهتمام بيا ويمكن شايفه ان الحب انها تطبخ وتغسل وتنضف البيت وانا كنت بقول يله دي جوازه والسلام الانسانه الي اتعرفت عليها دي عايشه برا مصر ولما اتكلمنا مع بعض كتير نشات بين قصه حب جامده جدا ولما رجعت مصر هيا جت مصر اجازه واقعدت معاها ومع اهلها واتاكدت انها بتحبني جدا بجد وبتخاف عليا جدا وبتغير عليا جدا واتجوزنا بعقد عرفي بعلم اهلها كلهم بسبب طبيعة شغلي وظروف شغلها برا مصر وبقت كل شهر تنزل مصر ونعد مع بعض وكنت بعامل زوجتي الاولي كويس بس يمكن كنت بعد اتكلم مع التانيه اكتر وبعد مرور تلات شهور من زواجي التاني اتفاجئت بمذكرات مراتي الاول كاتباها وكاتبه فيها انها ندمانه انها اتجوزتني وبقت بتكرهني وبتدعي عليا كتير وحتي وهيا معايا بتتمني انها تشوف راجل تاني وانها من حقها نص فلوسي كلها وهيا عايشه علشان تربي الولد بس مع انها كانت دايما تقولي ان احسن حاجه فيا اني بعرف اتعامل معاها كست واجهتها بالمذكرات دي وقالتلي انها كاتباها وعارفه اني هشوفها علشان تغيظني وانا لان عندي ولد سامحتها ومقلتش لحد ومرت الايام ومراتي التانيه عارفه اني منفصل عن مراتي الاولي ومغيش بينا علاقه جنسيه زي ما انا فهمتها لحد مالقيت التانيه بتقول ان لو فيه بيني وبين الاولي علاقة جنسيه هتسيبني ولاني بحبها جدا قلتلها لا واصريت خوفا انها تسيبني وكل شويه مراتي الاولي تقفش الموبايل برسايل من التانيه واقولها اخر مره لحد من اربع شهور شافت رساله من التانيه وقلبت البيت وخلتني سافرت لشغلي ونزلت عند والدتي وقالتلها وهانتني اهانات كتير وجابت ابوها وهو كمات اهاني وانا مش موجود ولما عرفت سبتها مكلمتهاش ولما اتكلمنا قالتلي بابا مهانكش وقلتلها احنا عايزين نعيش ونربي ابننا وميهمناش من دول ودول وعديت الاهانات علشان ابني الي هو نقطة ضعفي ورحت جبتها من عند ابوها ورجعنا البيت لحد اول يوم في رمضان لما مراتي التانيه اتصلت بيا علي الموبايل وانا نايم ومراتي الاولي ردت عليها وبتهين فيها فردت عليها مراتي التانيه وقالتلها انا مراته زيك بالظبط وعرفت كل حاجه كذبت فيها لان مراتي الاولي حكتلها كل تفاصيل علاقتنا الزوجيه وبدات المعاناه لان مراتي التانيه كانت مصره ان ميكونش فيه علاقه جنسيه بيني وبين مراتي الاولي ولكنها تنازلت عن كده لانها بتحبني جدا بشرط ان مراتي الاولي تكون عارفه انها في حياتي واعدت اكلم مراتي الاولي عن الزواج التاني وانه مش هياثر عليها في حاجه واقتنعت بنسبة خمسين في الميه بس حسيت من كلامها ان الموضوع كله ماديات ومش عايزه حد يشاركها في فلوسها وفلوس ابنها واتكلمت هيا ومراتي التانيه مع بعض لمده اربع ايام وفي الاخر قالتلها انها مقتنعه بنيبة خمسين في الميه ومستسلمه للامر الواقع بنسبة خمسين في الميه بشرط اني اعيشها حياتها واخرجها واسفرها كتير قلتلها اوكي بس وقت المشكله دي هيا قالتلي ان معاها مدرس في مدرستها كان بيساعدها في شغلها وبيحاول يتقرب منها بس هيا كانت بتصده بس لما بدات تشك فيا ساعات كانت تكلمه علشان تحس انها بتنتقم مني المهم سافرت شغلي واعدت اكلمها اربع ايام كويس جدا وفجاه لقيتها بتقولي انا مش متقبله الموضوع ولما ترجع تطلقني وتهددني اني مش هشوف ابني وحكت لاهلها ومحدش منهم حاول يكلمني نهائي واعدت في الشغل شهر احاول اكلمها وهيا قافله تليفونها ولا تعرف انا فين مع اني بشتغل شغل خطير شويه بعكس التانيه الي بتخاف عليا جدا وبتقلق عليا جدا المهم بعد الشهر رجعت الاجازه وكلمت اخوها وقلتله انا هجيلكم البيت اعد معاها نتكلم ولما رحت بيتهم لاقيت ابوها مخرج الولد ومخرجها برا البيت علشان مشوفش ابني بس هو اتحجج بحجه انه مش عايز الولد يسمع كلامنا لاقيته بيطلب مني اطلق مراتي التانيه وقلتله دا موضوع بيني وبين مراتي الاولي وبعدين لقيته بيطلب اخدلها سكن برا لانها مش مرتاحه مع اهلي مع ان والدتي هيا ااي قالتلي عليها وحكيتله علي موضوع المدرس زميلها ده قالي ده بيساعدها في شغلها وانه بيكلمه هو كمان وقلتله دي طلعت اسرار علاقتي الجنسيه برا قالي عادي دي بينتك راجل قدام مراتك التانيه رفضت الطلب ده طبعا وقلتله بكره هاجي اخد ابني واتكلم معاها وتاني يوم لقيتها بتطلب نفس الطلبين دول وقلتلها علي الطلاق هشوف هنهيه ازاي لان دي بنت ناس لكن السكن برا ده موضوع منتهي لان انا الابن الوحيد ومستحيل اسيب اهلي المهم اخدت الولد ونزلت رجعت البيت وسيبته مع ماما باليل ونزلت انا وهيا قعدنا برا ومن كلامها حسيت انها سالت محامين عن موضوع حضانة الولد لو هيا اطلقت ولو اتجوزت الحضانه هتروح لمين ولما سالتها ازاي قعدت شهر متعرفش حاجه عني واني ممكن اكون ميت ولا عايش قالتلي انها مكنتش تعرف ان عدم اتصالها هيزعلني وقالتلي لو كان حصلك حاجه هعرف وسالتها علي موضوع المدرس زميلها قالت انها كانت بتغيظني بيه بس حسيت منها انها كانت عادي اوي والطلاق عندها شئ سهل وقلتلها ان عشرتي معاها مش سهل انساها بس للاسف حسيت منها انها قلبها اجمد حتي في الفيس بوك الاقي البوستات بتاعها انه اكيد ربنا هيعوضها بشخص كويس وانها بتستنا وحسيت ان الطلاق عندها شئ سهل مش عامله حساب للولاد لانها كمان دلوقتي حامل في الرابع المهم سبتها ورجعتها البيت وفي نفس اليوم كلمت مراتي التانيه فهمتها الوضع واني هقول لمراتي الاولانيه اني سبتها علشان البيت بس هكمل معاها طبعا في الاول قالتلي هو انا المفروض اقول لا مش هطلقها وانتوا الاتنين تعيشوا معايا بس في الاخر تفهمت ومنكرش ان الموضوع كان مضايقها ومضايقني طول الوقت وتاني يوم وانا مسافر كنت بكلم مراتي التانيه وزعقنا مع بعض كتير لدرجة قلتلها انتي طالق وخطرت ببالي فكره اني اقول لمراتي الاولانيه ان مراتي التانيه حامل علشام مسبهاش واول لما قلتلها هاجت وطلقني وامها كلمتني وقالتلي كلم باباها احنا لينا راجل وسابت التليفون مفتوح وراحت تشوف بنتها وسمعت من بنتها كلام بقا وهيا متعرفش ان التليفون مفتوح هجرره في المحاكم هفضحه هبيعه هدومه وشتيمه المهم كلمت باباها لقيته بيقولي اكيد مراتك التانيه بتضحك عليك علشان متسبهاش بس وانت راجع هات عقد الجواز معاك فابتديت اشك ان فيه حاجه وتاني يوم سبت الشغل ورجعت وقلت انا عايز اشوف نيتهم ناحيتي ايه وعملت عقد جواز كده وكده وقلت اروح ورحت وفعلا لقيتهم مصرين يخلوه معاهم ومراتي الاولانيه تقولي دا ضمان لحقي وابوها يقولي لازم نتاكد منه بس طبعا انا رفضت وقلتلهم مستحيل اسيبه في ايد حد ولما شافوه لفت نظري ان مراتي الاولي مهماش غير قيمة المؤخر الي كتبته للزوجه التانيه وقعدت تقول انا بحوشلك فلوسك وانت رايح تكتب مؤخر كذا المهم حرقنا العقد المزور ده بس لاقيت بقا اصرار غريب من ابوها ومنها علي موضوع الشقه برا البيت ده اخدت الولد ومشيت وتاني يوم وديته ورجعت الشغل بس رجعنا تاني للاهمال وعدم الاتصال ولما اكلمها ساعات تنكر وجود الولد وطبعا مراتي التانيه غيره مش طبيعيه وتسالني بكلمها اقولها كل فين فيت وهيا تتخانق لانها حست انها اتظلمت اني قلت اني طلقتها لحد ما اتخانقنا جامد في يوم وقالتلي هسال مراتك واتصلت بيها قالتلها احنا لسه مكملين وهو بيكلمك ومراتي قالتلها اني مصره علي الطلاق ومش هترجع وانها لسه صغيره وهتتطلق وتتجوز ومبقتش طايقه ابني ويجي يطلقني وياخده وبعدها بثواني لقيت ابو مراتي الولانيه بيكلمني وانت عملا ايه وانت شكلك بتضحك علينا ومراتك انهارت مع اني سامع صوتها بتقوله خليه يجي يطلقني وياخد ابنه بقوله مش هطلق لاقيته بيقولي هتطلق غصب عنك ولمت تنزل اجازه تيجي ننهي الموضوع المهم بعدها بيومين رجعت البيت واعدت مع خالي حكيتله كل حاجه حصلت قالي سيبك منهم لانهم بيطغطوا عليك بابنك ولو كلموك قلهم اناعايزها ومش هطلقها واعدت الاسبوع ومحدش اتصل ولما كنت ادخل لي الفيس بوك اشوف حاجات زي ربنا يخلصني منه عايزه اعيش حياتي اتنرفزت وحكيت كل حاجه حصلت منها لاهلي لقيتهم بيقولوا دي مستحيل تعيش معاك لانها مش امينه علي البيت علشان موضوع المدرس ده ولانها عملتنا اعداء واحنا مغلطناش فيها وماما كلمت خالي قالتله يكلمهم علشان نشوف نهاية للموضوع وفعلا كلم ابوها لقاه بيقوله خير البر عاجله بس انا عايز اعد معاك الاول نتكلم مراتي التانيه هيا كمان لما لقت الاولي بتقول يا انا يا هيا هيا كمان قالت لو رجعت البيت انا هسيبك مع اني عارف انها بتحبني جدا واتفقنا ان بعد العيد الكبير نعد بس المشكله اني حاسس منها الاولي انها عاني بشكل مش طبيعي والطلاق في لسانها علي كل حاجه كبيره وصغيره وانها بايعاني جامد اوي واهلي كمان خلاص دخلوا في الموضوع واهلها مش حاسين ان عندها طفل وحامل كمان فيه ناس قالولي انت تروح شغلك وترجع تتصل بيهم تاخد ابنك يقضي معاك الاجازه لانك بقالك شهرين مشفتهوش ومتتكلمش ي حاجه غير بعد العيد محتار اوي ومش عارف اعمل ايه حد يدلني

من الموبايل

http://ift.tt/H2nC1e | هذا المحتوى