زوجتي إتغيرت كلياً أرجو الدخول

السلام عليكم ورحمة الله وبركاته

أنا متزوج من 4 سنوات وعمري 29 وزوجتي 26

متفاهمين ولله الحمد ولو إنه بعض الأحيان تصير بيننا مشادات وصراخات

لكن بالنهاية قلوبنا ما تشيل أي ذرة حقد



قبل فترة قررت أروح للدكتور وأخذها معاي ونشوف موضوع الأولاد لأنه للآن لم نُرزق

طبعاً مجرد كشف وهذه هي نيتي

وسأرضى بقضاء الله وقدره لو كان السبب منها وسأتوكل على الله ومن ثم نراجع العيادات

ولو كان مني ولا رضت تكمل حياتها معاي فمن حقها تكون أم وراح اطلقها



طلعت النتائج وطلع السبب منها وهي مشكلة بالبويضات حسب كلام الاخصائية

الحين زوجتي متغيرة حيل ولا عاد تعاند ولا عاد فيه أكشن بالبيت ومشاكل

وهادية حيل وأنا أحزن عليها لا شفتها جالسة وتفكر ومكسورة من الداخل



كلمتها وقلت لها إنه هذا شئ من ربك ومالك يد فيه ولازم نرضى بقضاء الله وقدره

وأنا ما أبغى غيرك والعمر قدامنا إن شاء الله وإنسي الموضوع

أخذتها وزرنا المدينة ومكة لعل وعسى يتغير شئ لكن للآسف زي ما هي



أنا كل اللي خايف منه إنها توسوس من كثر الأفكار وأصير أراجع فيها بالعيادة النفسية لا قدر الله



فكرت أروح لدكتور ثاني وأتفق معاه يقول إنه السبب مني وإنها سليمة

بس وش رأيكم ؟؟؟



أتمنى تساعدوني ولو بدعوة وكل عام وأنتم بخير

http://ift.tt/H2nC1e | هذا المحتوى