خسرت الجنة

باختصار امي تكرهني منذ كنت طفلة وتدعي عليا وبشدة وتضربني حتي لو كانت مشكلة بسيطة مع اخواني وتخليهم يضربوني وكانت تدعي وتقولي ان شاء الله ماتتزوجي وتعيشي طول عمرك خدامة لخوتك وتعيشي طول عمرك دليلة والله لايقبل لك دعوة (وفي دعوات اقوى منها بس منقدر نذكرها ) لكن بعدين تقولي انت مظلومة وربي لايستجيب ومن ثلاثة سنوات اعتذرت مني وطلبت السماح وقتلي ظلمتك وانا ماقدرت اسامحها اولاً لاني تربيت معاها كأنها مرت ابوي انا عمري 35 سنة والى الان ماسمعت منها كلمة يابنتي ماعمرها قالتلي يابنتي ماتحبني وتعاملني معاملة قاسية ماعمرها ضمتني لصدرها ولا حسيت بحنان الام اللي يقولوا عليه ودعواتها اللي تحققت ،،،،، ثانياً لانها سبب تعاستي وحزني وعدم ثقتي بنفسي لانها كانت تقولي انت غبية وسادجة مين يحبك او يرضى بيك بس انا كنت طيبة زيادة مش غبية المشكلة اني ماقدرت ابرها ولا قدرت احسن اليها كل ماتظلمني اعلي صوتي عليها واقولها انت ظالمة وانا ماحبك ماحبك انت مش امي واقعد شهر دمعتي ماتنشف ندم لكن ماعتذر منها ابداً والله حاولت بس هيا ربتني علي ظلمها وانا اليوم صار سؤ تفاهم ودعت عليا في ليلة العشر الاواخر اخواني مايخلوا مايقولوا لها ويجرحوها وتدعي بالهداية والصلاح حتى لما يظلمها احد من الاقارب والجيران وظلم كبير تدعيله بالهداية وانا علي طول تدعي عليا ليش يامي احس اني بجد مضايقة ماعشت في الدنيا وتبي تحرمني الاخرة مع اني من صغري طيبة وحنونة بس ظلمها اتعسني قلت لها الله يريحك مني عمرها مادعت ولا قالت الله يرزقك ويزوجك او يفتح عليك او يهديك مع ان امي تدعي لكل الناس في حضورهم وغيابهم لا تقولوا اكيد انت عاقة والله من كان عمري 5 سنوات الي الان لم اسمع كلمة طيبة او ضمة كله ضرب وتعذيب وذل واهانة وكل الكلام البدئ سمعته منها المشكلة اني كل ماحاول اضمها اتذكر كيف كانت تبعدني وانا صغيرة ما اقدر اطلب رضاها مااقدر والله حاولت بس ماقدرت والله اكتب وانا ابكي لاني احاول انسى وابرها حتي ادخل الجنة احاول منرد عليها بس هيا تزودها فنرد بقسوة لما اصلي او اقراء قران ابكي لاني ماقدرت ابرها واحس اني اتعب نفسي ياناس خوتي تربوا بحب وحنان ودلع عشان هيك يحبوها وفي منهم مايصلي بس طول الوقت تدعيلهم واحسهم حيدخلو الجنة برضاها بس انا لا ،،،اختم القران لها واتصدق عليها وادعي لها في صلاتي واشيل عنها حمل البيت واعطيها فلوس واجيب لها هداية بس ماقدر ابوس راسها او اقرب منها او اقول لها احبك اوحتي اسكت علي ظلمها وقسوتها ،،،،

من الموبايل

http://ift.tt/H2nC1e | هذا المحتوى