مش بنام من التفكير حد يفيدنى ارجوكم

السلام عليكم.. انا متزوجه من 5 سنوات عن قصه حب جامده اوى من ايام الجامعه من شخص كويس جدا وانا سعيده معاه اوى بس عندى مشكله. ممكن تكون تافهه لاى حد بس انا مش عارفه ليه الموضوع ده مش بيخرج من دماغى ولا احلامى ومش بنام بسببه، الموضوع هو انى كنت اعرف واحد كان زميلى فى المدرسه فى ابتدائى وكنت متعلقه بيه اوى مشفتوش وانا فى اعدادى غير بالصدفه فى الشارع ومكنش فى كلام خالص لانه كان بيحترم انى بنت وميصحش يوقفنى ويتكلم معايا وبرده فى الثانويه نفس النظام بس كان بيقفلى فى المكان اللى كنت باخد فيه درس خصوصى بس عشان يشوفنى وبرده مكنش فى كلام خالص من الاخر كل حاجه من بعيد لبعيد بس ومامته ومامتى كانوا على معرفه ببعض واتقابلت بمامتى وقالتلها ان من ابتدائى لسه انا فى باله ومش ناسينى خالص وكانت عاوزة صور ليا وانا كبيرة تشوفها بس وترجعها تانى وعادى مامتى مش مانعت لانها صحبتها واخدها انه انسان محترم من عيله محترمه جدا فليه لاء،،، مامته اخدت الصور وهو شافها وتانى يوم مامته رجعتها لمامتى وقالتلها انها مش لحقت تشوفها لانها كانت معاه علاطول وطول الليل لحد ما اخدتها منه تانى يوم وبس انا رحت كليتى وهو كمان راح كليته بس كانت بعيده اوى فى مدينه تانيه وفى مدينه جامعيه ووقتها انا مكنتش لسه اتعرفت على جوزى وكان عندى اعتراض جامد انى اتعرف على اى حد لانى مش عارفه ليه كنت واخده عهد على نفسى انى استناه بالرغم ان مفيش اى اتفاقات ولا اى كلام ومعرفش اذا كنا متفقين وشخصيتنا ماشيه مع بعض ولا لاء بس كنت شايفه انى اكون مخلصه ليه من ايام الابتدائى.. بصراحه اعدت سنه اولى استناه يجى كليتى ويحاوزل يكلمنى او اىحاجه بس طبعا مجاش وبعد مافكرت ايه السبب بعد سنين وبعد فوات الاوان لقيت انه طبيعى مش يجى لانه فى كليه تانيه ومدينه جامعيه ونظام صعب انه يجى وفى سنه تانيه اخته كانت معايا فى كليتى وبرده كنا اصحاب من ابتدائى واتكلمنا واستنيت انها توصلى اى حاجه منه او اى شئ اعرف منه انه لسه فى بالى طبعا مفيش ولما كنت بتكلم معاها وتيجى سيرته كنت الاقى انه شخصيه متسلطه ومدلع وعلاطول فسح وبالعربيه بتاعته فى كل حته وتعبت من الانتظار وطبعا القدر حط جوزى فى طريقى فى اخر سنه تانيه وبعد مشاحنات كتير اوى وحاجات كتير بدون تفاصيل حبينا بعض.. لما بدات انسى الاول وكنت خلاص حبيت جوزى هو ظهر وجه الكليه بتاعتى فى سنه تالته على اد ما كنت عاوزة اروح واكلمه على اد ما خفت على مشاعر جوزى فتعمدت انه يشوفنى معاه فى الجامعه وطبعا اتصدم جدا ومش قادرة انسى نظرته ليا وخلاص مشى طبعا والموضوع انتهى..... السؤال والحيرة هنا.. هو انا ظلمته؟؟؟ بحبه؟؟؟ ليه حاسه بذنب من ناحيته؟؟ دايما احلم بيه وانى بشوفه وعاوزة اكلمه واقوله لو جرحتك سامحنى بس بيكون غضبان جدا ومكسور جدا......... اعمل ايه؟؟ تعبت وعندى ارق جامد ومش قادرة اتكلم مع حد ولا مع جوزى طبعا وكمان اوقات حاليا بشوفه بالصدفه فى الشارع بعربيته وانا ماشيه والاقيه بيبصلى بصه صعبه اوى برده زى ما يكون مصدوم انه شفنى... اعمل ايه؟؟؟؟ انا تعبت اوى

http://ift.tt/H2nC1e | هذا المحتوى