عاجل - سؤال بخصوص الدبل و الملكه اذا سمحتو

السلام عليكم





انا من منطقه جده وملكتي بعد اسبوعين ان شاء الله





حابب اسال البنات والشباب بخصوص الدبل





حابب اشتري دبل لي ولها تكون نفس الشكل , لكن لي فضه ولها ذهب ( او ذهب مخلوط بفضه )





طبعا رحت تيفاني و بولغري و داماس و كارتير





اعلبهم عندهم للرجال بلاتين وسعرها فوق ال 7000 ريال





الفضه موجوده عند تيفاني بس الاشكال ما ناسبتني والاسعار كمان





سمعت ان فيرساتشي عنده بس مو متاكد





سؤالي في ممكن احصل طلبي في جده وبسعر طيب ؟













سؤالي الثاني بخصوص هديه الملكه





اللي اعرفه طقم ذهب مع دبل





الطقم يكون شي كبير ولا شي خفيف فقط ؟





غير كدا سمعت ان اليومين دي صارو ما يجيبو طقم ويكتفو بخاتمين توينز فيهم الماس

و دبلتين عاديه لي ولها ( احس انه اختيار ارخص )









والله يا اخوات انا محتار وخايف اتفشل بوم الملكه ياريت تساعدوني باللي تعرفوه بصوره عاجله رجاءا





واي نصيحه تفيدني لكم بها دعوه في الغيب مني

arb3.maktoob.com المحتوى من