ايش الحل غير الصبر

اناعندي مشكله سجلت بالمنتدى عشانها وكل يوم اكتبها وارجع امسحها مو عارفه اذا بتفهموني اولا



زوجي عمره 32 سنه واناعمري 26 متزوجين من خمس سنوات وعندنا ولد

زوجي من بداية زواجنا احس ماعنده رغبه بالجنس وكثير احس انه يجامع تادية واجب ويكون هم وحمل ثقيل عليه

يوم عيده لما اكون معذوره والا بنام عند اهلي ينبسط ويدللني ولما يلمح اني مستعده ومتجهزه له يكتئب ويصير عصبي وينتقدني على كل شي لازم يخلق مشكله يومها

من سته شهور تقريبا كان عندنا شقه مستاجرينها وراعيها يبغاها سلمنا الشقه وقعدت عند اهلي شهر لما لقى شقه جديده ونقلنا العفش وفي الشهر هذا كنت مشتاقه له وملهوفه من ناحية الفراش وانا عارفه انه مافكر فيا ولاجاب خبري كم مره تمنيت اني بلا احاسيس لان حياتنا اذا مافيها جنس يصير انسان حبوب ورائع المهم لما سكنا بشقتنا الجديده وجيته بعد شهر عروس حتى ولدي نام عند اهلي ذيك الليله لان امي تعلقت فيه وفرحت بطلبها قلت فرصه اتفرغ له تماما

وكانت صدمتي والقشه الي قصمت ظهر البعير على قولتهم حسيت اني ذليله وتافهه انا اتعلق برقبته واحضنه وهو يدفني بيده واتحرش فيه وصاح علي قال انتي ماتفهمين تعبان خليني انام عندي دوام بكيت بحرقه بغيت اموت ليلتها تمنيت الارض انشقت وبلعتني

الحين لو اموت مااطلبه ولا المح له ولاصرت البس قمصان عشان مايحس اني ابغى كل لبسي بجايم عاديه صرت احتقر نفسي لمااتذكر كيف كنت اتلزق فيه وهو يصدني

وهو مبسوط اني ماصرت اطلب هالشي ولااسعى له فصار طيب وكريم فوق الطبيعي

بس لما اتذكر ان عمري وشبابي بيضيع وانا مااستمتعت انقهر

http://arb3.maktoob.com