كتبت مشكلتي لأول مره وأرجو الحلول

السلام عليكم أعرفكم بنفسي انا الفقيره لله اول مره اكتب مشكلتي في منتدي تزوجت عمري 18 لم اكن اعرف من الحياه سوي الكتب والاوراق تزوجت رجل امه قويه وزوجي مسؤول عنهم عندها 4 بنات وولد فقلت خليني أكسبها وأكون بنتها كنت اطبخ اللي زوجي يحبه الاكل وتعلمت بسرعه وسرت مره شاطره بالطبخ وادرس أولادها وزوجي يوديهم مدارس تمشيات معاهم مقاضي العيد كل شي سوا شايله بيتي وانظف وكل شي مو ناقصني شي جمال وأخلاق وذكاء ومال الحمد لله اصلا لمن تزوجته جماعتنا زعلو لأسباب للأسف اهل زوجي غجر وهوا زيهم لسانه طويل يوم الجمعه يوم الإجازة يروح يقضي من حلقه الخضار ويلعب كوره الخميس تمشيه مع اهله بالسيارة كنت فرحانه اني تزوجت وبذلت مجهود عشان أكسبه ويحبني وفي كل مره أتقرب كنت اتلقي لوم وانتقادات واسوي اللي يبغاه وكنت اسمع وما ارد جبت بنتي الكبيره وبعدها طلبت الانفصال وقال انا بغير طبعي للاسف متي تغير لمن تزوجو اخواته وشاف الدلع جا يقلي ليش ما ترجعي زي زمان اهله خدعوه وكنت انا الضحيه خرجات اهلي ما اروحها قررت اكمل دراستي الجامعه سوا ليا مشاكل لاكن خوفي من المستقبل اكبر سجلت جنب اهلي اروح وارجع مشي اروح الجامعه ما معايا حق الاكل اخذ من اهلي فلوس دفاتر مافي غير ورق التصوير المهم اول سنه عذاب الاكل ماينطبخ من اليل لازم الظهر ويوميا اكل بايت لا شغاله لا ولو اهله مسكو بنتي يقولو عليكي أدرسي بنتهم مع اني اطبخ لهم الغدا قررت بنتي عند امي وهوا ما يتنفس ابدا لين جات المكافأات جبت حرمه تساعدني وشيدت حيلي وجبت ممتاز مع مرتبه الشرف الحمد لله وماشا الله الدكتوره كانو يختاروني معيده لولا سنه اولي المهم هوا تغير مع الحفلات والمفاجآت وبعد زوج اخواته فضي لنفسه وسار اصحاب وخرجات مايجي الا وقت النوم سواليفه كلها زواج المسيار وأظن انو كان متزوج ويقلي البيت نظيف يحتاج حرمه جديده وينها البسها يبغا وحده بيضا بياض شامي وانا حنطيه فقط هذا العيب وهوا اسمر يقلي انتي ماتسوي علبه بيبسي يداتك ليش كذا اشتكيته امه بحكم علاقتنا ماسوت ولا شي والحين قلبو عليا بعد ما عرفو قيمتي في عين زوجي مستحيل انا اجلس طول عمري زي ما انا وين ألوفا وبالرغم من كل كلامه الا أنني غيرت نفسي ورجعت زي زمان وبعد ما بذلت كل ما عندي حيتزوج اخوه قال لو طلعت مرته احلا انا حزعل تخيلو الصدمه بعد عشرت العمر قلت له لو تبغا تتزوج روح انا ابغا اشوف حياتي قال عيالي حاخذهم خذهم للاسف ياليت يتزوج ويفكني ولا حرق الأعصاب لاني سرت اخاف من غدره اما اهله اللي ضاع شبابي معاهم اهانوني وسرت رسميه معاهم وهوا سرت مو اي شي طيب هوا تفكيره الزواج الحريم الجنس وبس وهذا شخصيته لمن حللتها وياريت حللتها من زمان

من الموبايل

http://arb3.maktoob.com